Durgali, su 7 de friàrgiu – Assemblea Natzionale Sarda (ANS) at cuncordadu un’ atòbiu culturale de importu dedicadu a is meledos de Antoni Gràmsci e su ligàmine suo cun sa cultura sarda. Chenàbura su 7 de friàrgiu in sa Sala Consiliare de su Comunu de Durgali, Cursu Umberto 37, ddoe at a èssere sa presentada de su libru “Questioni Gramsciane. Dall’interpretazione alla trasformazione del mondo”, cun s’autore Giannu Fresu, pofessore assotziadu a nche s’Universidade de is istùdios de Casteddu. S’autore at a faeddare cun Danilo Lampis, de s’Assemblea Territoriale de Mandolisai.
S’initziativa rapresentat un’ocasione pro resonare subra is cunditziones istòricas, sotziales ed econòmicas chi ant influentzadu is meledos de Gramsci e subra s’analisi sua chi podet giare oe etotu trastes pro cumprèndere sa realidade de s’ìsula de oe in die.
Su libru e s’autore
“Questioni Gramsciane” scrucullat su rolu de Antoni Gramsci che armia pro is pòpulos chi peleant pro si liberare dae s’opressione coloniale. “Mancari siat cunsideradu su “teòricu de s’egemonia”, e mancari non si ocupet in forma prevalente de su “sud de su mundu”, Antoni Gramsci est armia pro is pòpulos in luta pro si liberare dae s’opressione coloniale. Sa resone de su chi podet pàrrere una burrugada tocat a dda chircare in unu fatore chi non est istudiau bastante a fundu: issu est su fìgiu cussente de un’ìsula pòbera, de massajos e perifèrica, istoricamente assogada a unas cantas formas de dominatzione e passivizatzione.
Gianni Fresu est professore de Filosofia polìtica in s’Universidade de is Istùdios de Casteddu e dotore de chirca in Filosofia on s’Universidade de is Istùdios de Urbinu Carlo Bo. Sòtziu fundadore de s’International Gramsci Society Brasil, e presidente de custa dae su cabudanni de su 2019 a su cabudanni de su 2022, est autore de varias monografias e sàgios in lìngua italiana, portoghesa e inglesa in su tretu de sa filosofia polìtica e de s’istòria de su pensamentu polìticu a inghiriu de is temas de sa filosofia de sa praxis.
S’apentu de Assemblea Natzionale Sarda
Assemblea Natzionale Sarda (ANS) est un’organizatzione chi traballat pro s’amparu e sa valorizatzione de sa cultura, sa lìngua e de is deretos de Sardigna.
Pro mèdiu de initziativas culturales, polìticas e sotziales, ANS chircat de sensibilizare s’opinione pùblica subra s’importàntzia de s’autodeterminatzione de su pòpulus sardu, promovende is discussiones subra is chistiones prus de importu pro su benidore de s’ìsula. Sa presentatzione de su libru de Gianni Fresu faghet parte de custa àndala de cussèntzia e connoschèntzia, cun s’idea chi is meledos gramscianos potzant dare oe in die etotu ainas pretziosas pro elaborare una bisura polìtica e culturale sarda autònoma e crìtica.
Duncas
📅 Die: chenàbura su 7 friàrgiu
📍 In ue: Sala de su Cunsìgiu de su Comunu de Durgali
🎙 òspite: Gianni Fresu, autore de su libru. Faeddat cun Danilo Lampis
📖 Intrada de badas
