Lunedì 30 Gennaio, aggiornato alle 20:30

Publicada in catalanu sa tradutzione de Lèbius nci passamus in sa terra, de Sergio Atzeni

Publicada in catalanu sa tradutzione de Lèbius nci passamus in sa terra, de Sergio Atzeni

Su tradutore, Adrià Martín, presentat in Sardigna e in Catalugna sa tradutzione de una de is òperas capitales de sa literadura noa de s’ìsula

Sergio Atzeni (1952-1995) at lassadu iscritu chi, si èsseret bìvidu, diat àere contadu una a una totu is biddas e totu is persones de Sardigna. Cun Lèbius nci passamus in sa terra, acabada pagas dies in antis de sa morte tràgica de s’autore, Atzeni aiat cundensadu in una crònaca endògena e romantzada millènnios de istòria sarda, dae s’ipotèticu arribu a s’ìsula de is primos abitadores (is s’ard, dantzadores de is isteddos) fintzas a sa «pèrdida de sa libertade de sa terra nostra». S’òpera, chi giai fiat istada bortada a su sardu e a su frantzesu, arribat immoe in catalanu de sa manu de Adrià Martín e sa domo editoriale de Maiorca Lleonard Muntaner.

Pro dda presentare, su tradutore at a partetzipare a unos cantos eventos, in Sardigna e in Catalugna: su 7 de ghennàrgiu a is 18.00 h a Su Tzìrculu (Casteddu), cun sa tradutora Flavia Floris; su 9 a is 15.00 h in s’Universidade de Tàtari, in su marcu de una sessione organizada dae su letoradu de catalanu de s’Institut Ramon Llull e cun sa partetzipatzione de s’aligheresu Francesc Ballone, e sa pròpiu die a is 19.00 h in sa sede de Òmnium Cultural de l’Alguer, in un’eventu organizadu dae sa Delegatzione de sa Generalitat de Catalunya. A Bartzellona, sa tradutzione at a èssere presentada su 12 de ghennàrgiu a is 19.00 h in sa Central del Raval (C. d’Elisabets, 6), in una mesa tunda organizada dae sa domo editoriale Lleonard Muntaner, in paris cun Joan-Lluís Lluís (chi presentat L’illa dels immortals) e Jaume C. Pons Alorda.

Sa publicatzione de Passàvem per la terra lleugers est istada finantziada in parte dae sa California State University Long Beach, in ue Adrià Martín est dotzente de tradutzione.


Condividi:


Utilizzando il sito, accetti l'utilizzo dei cookie da parte nostra. maggiori informazioni

Questo sito utilizza i cookie per fornire la migliore esperienza di navigazione possibile. Continuando a utilizzare questo sito senza modificare le impostazioni dei cookie o cliccando su "Accetta" permetti il loro utilizzo.

Chiudi