Su 5 de Argiolas sa Pichetada de Assemblea Natzionale Sarda
(AS Istudiantes) lompet a Mòguru
Un’àrea frunida de mesas, àrbures chi giant obrigu dae su sole, bebidas friscas e telos
istèrridos subra de s’erba. Sàbudu su 5 de argiolas, dae is 18:00 e a sighire, su Parcu de
Santa Maria Cracaxia in Mòguru si faghet teatru de sa pichetàda, s’atòbiu lìberu e
autogestidu promòvidu dae ANS, Assemblea Natzionale Sarda e AS Istudiantes, s’assemblea
setoriale de ANS.
Unu atòbiu chi fraigat comunidade
Sa pichetada non est una chena sotziale isceti: est finas su sèberu de si bìdere foras de is
lògicas performativas, de is convènnios, de is mesas de traballu. S’atòbiu es abertu a totus,
sena bisòngiu de si ddoe marcare, est agradèssidu però a si prenotare.
Sa limba, s’ispàssiu, sa libertade
Amus a faeddare, amus a giogare, amus a cumpartzire bisos e progetos. S’at a pòdere
chistionare in sardu sena timoria, sonare, resonare, giogare a cartas, pasare in s’umbra,
connoschere gente noa.
Info pràticas
In ue: Parcu de Santa Maria Cracaxia – Mòguru
Cando: Sàbudu su 5 de Argiolas – dae is 18:00 a sighire
Ite batire? Cosa de papare, telu de istèrrere, giogos, istrumentos musicales, cosa de bufare.
Su parcu est frunidu de mesas e bànnios. Cunsigiamus bussas frigo.